【Emily】消費信心指數跌 周浩鼎：市民悲觀因未掌握經濟數據
[2024.01.20] 發表
【明報專訊】民建聯上月中做消費者信心指數調查，訪問咗802人，結果3項指數全部下跌，包括「目前狀况指數」、「消費者預期指數」、「綜合消費者情緒指數」。調查結果顯示，對於未來一年香港經濟前景持正面睇法嘅受訪者比例，由半年前嘅42.8%，跌至25.5%，持負面睇法嘅就則由28.2%升至46.5%。
至於香港未來5年經濟前景，持負面睇法嘅比例亦上升，由24.7%升至35.5%，調查機構認為反映市民對短期或長遠整體經濟前景感悲觀。民建聯立法會議員周浩鼎話，上次調查時市民對通關後嘅經濟期望較大，結果未如預期。佢仲估計，係因為市民未掌握本港整體經濟數據先會咁悲觀，認為喺環球經濟疲弱下，香港仍有令人鼓舞嘅經濟數據，舉例舊年訪港旅客人數回復至疫情五成半水平、失業率只得2.9%等。
更多港聞
【明報專訊】今個月底任滿嘅中文大學醫學院院長陳家亮未卸任已有新去向，佢下禮拜三（24日）起將出任醫務委員會委員，接替即將退休嘅醫委會主席劉允...
詳情
相關新聞
