【Emily】房局運局拍片回顧 麥美娟「大少高」總結
[2024.01.01] 發表
【明報專訊】來到2024年，唔少人都回顧過去、展望將來，部分政府政策局噚日都喺社交平台睇番過去一年嘅工作。民政及青年事務局長麥美娟用「兩大」、「兩小」(兩少)、「兩高」總結2023年，意思係「工作量大」同「壓力大」、「瞓得少」同「運動少」，「兩高」就係團隊嘅「士氣高」同「開心指數都好高」，不過佢話團隊「夜鬼多」，因為每次收工都見到好多同事夜麻麻仲喺寫字樓未走。
房屋局、運輸及物流局都分別剪輯一段短片，介紹過去一年工作。運物局形容2023年係豐收嘅一年，其中完成咗港鐵票價調整機制檢討、實施「易通行」及落實3條過海隧道「分時段收費」等，亦有不少同內地相關項目，例如推出「港車北上」等。房屋局就推展咗簡約公屋、過渡房屋、建築科技、智慧屋邨管理、舊邨重建等，局長何永賢話2024年會繼續努力，「與大家一起『共築•幸福』」。
更多港聞
相關新聞
