【Emily】旅發局邀小紅書博主宣傳廟街

[2023.12.29] 發表

【明報專訊】廟街夜市月中開鑼，旅發局近日邀請咗幾個喺小紅書有逾萬粉絲嘅博主宣傳廟街景點，例如去油麻地天后廟掛金球同貼金箔、去涼茶店飲火麻仁、去歌檔唱歌等。有曾到廟街食炒辣蟹嘅美食博主話，𠵱家嘅廟街具新鮮感，形容去廟街能「體驗接地氣、具市井氣息和驚喜，完全是吃喝玩樂一條龍」。

美食博主Vanessa喺個人小紅書專頁推介大家去百寶堂飲涼茶，話自己喺香港住咗十幾年，𠵱家先知道「通潤腸」嘅火麻仁原來好好飲；佢又推介大家去「適合中國寶寶體質」及「新年必去」嘅油麻地天后廟祈福掛金球。

另一個攝影博主「帽匠 HatterWei」就推介大家去歌檔體驗露天KTV，同埋去美食攤檔食特色小食等。佢話，一直以為廟街只係賣旅遊紀念品，但原來有濃厚嘅歷史文化風味，形容香港係一個多元城市，百看不厭。

更多港聞

【明報專訊】聖誕假期啱啱過咗，歡樂氣氛仍然持續。私隱專員公署關愛義工隊前日去咗探訪聖雅各福群會灣仔長者地區中心，為超過80個長者送上關懷，仲... 詳情