【Emily】主動回應見報率低 話感遺憾 陳月明：為地區爭取到不少成果

[2023.12.28] 發表

【明報專訊】本報噚日報道一眾立法會議員今年傳媒曝光次數較去年下跌，其中見報率排第87嘅選委界別議員陳月明(圖)主動回應報道，話一直盡心盡力工作，「為地區發展爭取到不少實質成果，對傳媒曝光率較低感到遺憾」。

根據慧科新聞網資料庫統計，陳月明係今年曝光次數最低嘅10名議員之一。佢噚日主動回應，表示任內積極推動北部都會區、口岸經濟同鄉郊發展，協助推廣政府政策，天災時組織義工救助受困居民。佢對於傳媒曝光率低感到遺憾，話會繼續積極聯繫傳媒，更密切關注社會重要議題。

葉劉Ig又出帖臘腸合照吸讚好

至於今年曝光次數最多嘅新民黨主席葉劉淑儀，一直活躍於社交媒體，近日佢去咗四川成都，喺Instagram分享多張遊覽相片。其中佢身穿紅色外套與一排臘腸合照，留言「沒有小鮮肉，只有老臘肉！」唔知葉太係描述圖中臘腸抑或意有所指，不過相片已經引來唔少網民讚好同留言，大讚葉太風趣幽默。

更多港聞

【明報專訊】唔知大家有冇收到心水嘅聖誕禮物？香港迪士尼樂園話，今年再舉辦名為「分享禮物．分享愛」嘅聖誕玩具捐贈活動，共捐出逾6萬件玩具畀逾2... 詳情

【明報專訊】勞福局長孫玉菡接受接受馬會刊物《駿步人生》訪問，主管勞工事務嘅佢自言係「阿勞」，「我嘅標準工時，係除咗瞓覺以外，因為很多時候腦袋... 詳情