【Emily】日本「考察」 林素蔚嘆難買交通卡被嘲 曾因核水倡發旅警 網民問何不留港消費
[2023.12.26] 發表
【明報專訊】聖誕假期好多港人外遊，立法會新界東南議員林素蔚就去日本東京，不過佢喺網上批評當地交通配套，話無法開通俗稱「西瓜卡」嘅日本Suica交通卡，用咗3個鐘先由機場抵達市區。帖文引來大批網民留言，有人質疑係個人問題，亦有人諷刺佢作為議員赴日旅遊。林素蔚噚日再發帖回應，話無諗過會引起咁大迴響，話自己係議員，但亦有市民身分，只想分享生活點滴。
Suica年中話停售 旅客版仍有售
林素蔚日前喺facebook發帖，話喺東京無法購買Suica實體卡，嘗試買手機版亦失敗，最終要買車票、花逾3小時先去到銀座。佢批評，去過十幾個內地城市都未遇過類似情况，反問：「能夠順利買車票坐車回酒店難道不是對一個國際旅遊之都最基本的要求嗎？」佢又抱怨半夜先到酒店，食肆都關門，要去便利店醫肚，「今晚休息過後，明天繼續考察！」
翻查資料，當地早於今年中宣布停售Suica實體卡，不過旅客版仍有售。林素蔚個專頁即有好多留言，有網民質疑未能買Suica卡係佢個人問題。Emily睇番，林素蔚6月曾建議政府因應日本排放核廢水，考慮對當地發出旅遊警示，大批網民就諷刺佢去日本旅遊，有人反問點解唔響應政府呼籲留港消費。有人留言話，「係咪要交待(代)一下『考察』左(咗)啲咩？」
林素蔚噚日再喺fb回應，感謝網民對佢高度關注，稱只係想分享生活點滴，無諗過會引起咁大迴響。
更多港聞
【Emily】周守仁：應思民主制度會否淪黨派、資本相爭
【明報專訊】噚日聖誕節，天主教香港教區主教周守仁樞機到赤柱監獄主持聖誕彌撒，向在囚者分享信仰哲理並送上聖誕祝福，並探望在囚嘅病患者。另外，周... 詳情
【Emily】青民訪塞爾維亞遇陳克勤 中銀分行行長同名鄉里
【明報專訊】民建聯立法會議員顏汶羽同青年民建聯成員參加巴爾幹半島交流團，噚日喺塞爾維亞遇見陳克勤，呢位陳克勤唔係佢哋黨主席，而係中國銀行（塞... 詳情
【Emily】昨12年最冷聖誕 除夕18℃至23℃
【明報專訊】一股寒潮令今年聖誕特別有氣氛，噚日早上天氣仍冷，天文台總部錄得12.1℃，係過去12年以來最寒冷嘅聖誕節，較2011年嘅10.3... 詳情相關新聞
