【Emily】水門禮迎國產孖機 C919周六繞港島
[2023.12.13] 發表
【明報專訊】C919同埋ARJ21兩架由國家研發嘅商用客機噚日首度訪港，其中C919仲係首次出訪內地以外嘅城市。ARJ21噚日下午近兩點喺香港機場南跑道降落，C919隨後兩分鐘亦降落。兩架飛機落地之後，機場舉行航空界嘅最高禮儀「水門禮」迎接，由兩部消防車分別喺左右兩旁噴射出「半圓形水柱」，兩架飛機先後喺水柱下穿過。兩架飛機會喺香港逗留6日，嚟緊嘅周日(17日)飛返上海。
兩架飛機今日至周五(15日)會停喺機場固定區域靜態展示，獲邀嘅海外同埋本地航空業界代表、青年團體、地區組織等代表到時可以登機參觀。如果天氣許可，C919會喺周六(16日)上午10點半喺香港機場起飛，由西至東進入並飛越維港上空，環繞港島飛行兩圈。市民到時可以喺維港兩旁，例如尖東海旁、西九龍海濱長廊、觀塘海濱、鰂魚涌海濱花園、中西區海濱長廊同埋金紫荊廣場等地觀賞C919。為配合飛行演示活動，民航處將喺維港一帶設臨時限飛區，限制放無人機、風箏等。
飛機製造商中國商用飛機有限責任公司嘅代表將應邀喺飛行演示完成後，同200幾個青少年見面，分享有關兩架飛機嘅發展。理大工程學院院長文効忠話活動意義重大，可提升市民對國產飛機嘅認識同熱誠，尤其對年輕人有鼓舞作用。
更多港聞
【Emily】Google年度熱搜 蔡天鳳曾憲哲分列榜首
【明報專訊】過去一年發生唔少突發意外同天災，Google香港噚日公布2023年度搜尋榜，被殺害嘅蔡天鳳、JPEX、風暴小犬，分別成為熱門搜尋... 詳情
【Emily】探知館嶺南建築展+故宮館明代畫展開幕 各有一級文物
【明報專訊】今個月有唔少新展覽開幕。由發展局、國家文物局、澳門社會文化司合辦嘅「同一屋簷下：嶺南傳統建築源流與藝術」展覽噚日開幕，主要介紹嶺... 詳情
【Emily】橫跨中環至銅鑼灣 除夕煙花歷來最大
【明報專訊】仲有唔夠一個月就踏入2024年，旅發局話今個除夕會為旅客帶嚟「歷年最大規模」嘅香港跨年倒數盛會，喺維港綻放嘅煙花將會橫跨中環至銅... 詳情
【Emily】曾轟重建嘥錢 何君堯應邀訪荔枝角收押所
【明報專訊】政府計劃用55億元重建荔枝角收押所，立法會議員何君堯之前大罵係「五星級的家」，仲叫當局官員「用吓腦」。保安局長鄧炳強之後回應話同... 詳情
【明報專訊】新一屆區議會委任名單昨日出爐，179席中至少20人（11%）具教育界背景，當中15人現職中小學或幼稚園。多名獲委任的校長表示，將...
詳情
相關新聞
