【Emily】同運會麻將初賽打六輪 有人太攰早退
[2023.11.06] 發表
【明報專訊】旨在推動多元共融嘅同樂運動會(Gay Games)日前喺香港開幕，噚日踏入第3日，多項賽事上演，包括最具本地特色嘅麻將同划龍舟比賽。麻將初賽中午開始，參加者要打牌打六輪到夜晚10點，累計積分，達一定排名就可以進入複賽。Emily所見現場好熱鬧，唔少枱都有外籍參加者打牌，不過去到7點幾，有選手話同枱有人打牌打到太攰要提早離場，空位由義工頂替。
噚日仲有多項比賽，包括7人足球賽喺烈日下上演。活動期間不時見到參加者帶彩虹旗，亦有參加者帶小朋友參與活動，喺草地上野餐。
同運會第一次嚟到亞洲，活動氣氛熾熱，吸引咗世界各地嘅人來港參與，但近期就引起部分立法會議員同民間團體反對。平機會主席朱敏健噚日出席另一活動時就回應話，任何活動性質合乎推動多元共融、社會和諧，都合乎平機會嘅目標，平機會會支持活動。佢亦相信政府會支持香港唔同領域嘅多元共融，包括性小眾權益。
更多港聞
【Emily】跨部門模擬灣仔停電 首用三維製圖系統
【明報專訊】警務處港島總區噚日聯同醫管局、消防處、運輸署、機電署、地政總署同埋香港電燈，喺跑馬地東華東院舉行代號「舞鳳」嘅跨部門重大事故演習... 詳情
【明報專訊】糧食危機日益嚴峻，𠵱家全球近8億人都捱緊餓。香港世界宣明會今年首次舉辦低碳版「饑饉30」，推出多項低碳活動，例如定向挑戰、單車...
詳情
【Emily】UNICEF慈善跑 籌逾765萬
【明報專訊】經過新冠疫情等因素限制，聯合國兒童基金香港委員會（「UNICEF HK」）舉辦嘅慈善跑闊別4年再度舉行，基金會話，近月來國際社會... 詳情
【Emily】黃偉綸去美食嘉年華 食燒賣飲檸茶讚出色
【明報專訊】政府力推「香港夜繽紛」谷夜經濟，其中一連9日喺葵涌運動場舉行嘅「第10屆香港美食嘉年華」噚晚結束。副財政司長黃偉綸感謝廠商會響應... 詳情
教大增師德課 「確保掌握官方指引」 明年開兩必修科 2025年起推「國安及法律」課
【明報專訊】近年教育局加強規範教師操守。教大表示，未來兩個學年將為師訓及全校學生分別推出鞏固師德和國安教育課程。師訓學生新增兩個必修的教師專... 詳情相關新聞
