【Emily】周潤發早前讚韓片盛世 題材自由度大 楊潤雄：電檢修例無損港片質素
[2023.10.30] 發表
【明報專訊】《電檢條例》兩年前修訂後，明文規定檢查員要考慮影片上映會否「不利國家安全」。喺噚日文化體育及旅遊局嘅《施政報告》政策措施記者會上，有傳媒提到電影業界擔憂言論自由同創意收窄，而影帝周潤發近日都有提出關注，質疑係咪政府注資就可以令香港電影業復蘇。局長楊潤雄回應話，過去兩年仲有好多好嘅電影出產，票房仲非常好，唔認為有關修訂對電影質素有咩直接影響。
話過去兩年好多票房佳好電影
《2023年施政報告》提及將推出「開拓內地電影市場資助計劃」，合資格電影劃一獲1000萬元資助，支持香港同內地文化企業投資香港導演嘅製作和發展內地市場。文體旅局常任秘書長黃智祖話，𠵱家嘅資助計劃主要資助較細規模嘅製作，新嘅計劃就會增加政府資助，並且只係畀有一定規模嘅電影去申請，希望可以擴大喺內地市場嘅規模。
周潤發月初喺韓國嘅釜山國際電影節獲頒亞洲電影人獎，佢接受傳媒訪問時話，香港喺1997年後好多事發生咗變化，成日要留意政府取向，否則好難有資金拍片。發哥又分享對香港和韓國電影嘅看法，承認港產片黃金時代已成過去，現為韓國片嘅天下，「因為它(韓片)在題材和內容上都有很大自由度，正是港產片所欠奉」；內地亦有好多要求，劇本要經好多部門審批，呢啲挑戰對香港嘅電影製作人嚟講係好困難。
更多港聞
【Emily】售在囚者出品 有迷你路標匙扣 懲教周六賣物會 主題弘揚中華文化
【明報專訊】懲教署體育會本周六（11月4日）喺赤柱監獄側足球場舉行第68屆秋季賣物會，出售在囚者製作嘅產品，包括家俬、木製擺設、文具、籐器、... 詳情
【Emily】親子齊睇微電影 教家長反思育兒方法
【明報專訊】學童精神健康同家庭關係密不可分，團體「愛望基金」前日（28日）舉辦活動，安排約500名本地包括少數族裔嘅小學生和家長參與，活動設... 詳情
【Emily】鄭泳舜玩劍擊賽 「年長組」攞第三
【明報專訊】民建聯立法會議員鄭泳舜噚日一副「武裝」現身體育館，話「好高興完成人生第一次劍擊比賽」。佢話噚日嘅劍擊活動有逾300多名選手分唔同... 詳情
疫後精神困擾 大學指求助增 八大設心理輔導 科大兩年增五成人手
【明報專訊】近月年輕人輕生事件，令社會關注學生精神健康問題。8間資助大學的學生事務代表早前發布聯合聲明表關注，本報向大學查詢求助情况及支援。... 詳情相關新聞
