【Emily】前體育專員楊德強掌全運辦

[2023.10.14] 發表

【明報專訊】下屆全運會將喺2025年由廣東省聯同港澳承辦，港府繼本月初成立全國運動會統籌辦公室推展相關工作後，噚日宣布經公開招聘，委任前體育專員楊德強(圖)做全運會統籌辦主任，下周一(16日)履新。

楊德強喺1984年加入政府，任職警務督察，1994年轉職政務職系，曾喺多個決策局及部門服務，包括2016年至去年出任首任體育專員。佢話好高興有機會繼續參與推動體育發展嘅工作，又話配合啟德體育園嘅落成，全運會可展示本港以至大灣區舉辦大型體育盛事嘅能力。

文體旅局長楊潤雄話歡迎是次任命，期待統籌辦喺楊德強領導下發揮「最強能力」。佢提到，曾任體育專員嘅楊德強熟悉本港體育政策同運作，具備籌辦國際及區域大型綜合運動會同體育賽事嘅經驗，包括2008年北京奥運及殘運時，楊曾參與移師本港舉行嘅馬術比賽統籌工作。

更多港聞

【明報專訊】今屆政府設立由政務司副司長卓永興領導「地區事項統籌工作組」處理街道衛生等社區問題，卓永興喺facebook透露，工作組已改稱「環... 詳情