【Emily】fb帳號冒一哥蕭澤頤 網罪科調查
[2023.10.12] 發表
【明報專訊】facebook不時出現假帳號，今次到警隊「一哥」蕭澤頤中招。警方噚日呼籲市民提高警覺，慎防一個以「Raymond Siu」名稱同警務處長圖片作為頭像而設立嘅偽冒fb帳號，強調必會嚴肅跟進事件，已立案調查，由網絡安全及科技罪案調查科跟進。Emily噚日傍晚發現個帳號已經消失咗。
偽冒帳號嘅封面照片仲用咗前年6月25日蕭澤頤、李家超、鄧炳強同時任特首林鄭月娥嘅合照，當日3人分別獲中央任命為警務處長、政務司長及保安局長，喺林太監誓下宣誓就職。
警方發言人澄清，蕭澤頤未有設立上述個人fb帳號，懷疑有人冒充警務處長之名，企圖作出不法行為，呼籲市民提防。發言人重申，互聯網世界唔係無法可依嘅虛擬世界，根據香港法例，大部分喺現實世界用嚟防止罪行嘅法例，都適用於互聯網世界，市民必須合法同負責任地使用互聯網。
更多港聞
【Emily】鄉議局就職 特首盼團結社區撐北都
【明報專訊】新界鄉議局噚日舉行第36屆就職典禮，特首李家超、中聯辦副主任何靖到場主禮。李家超致辭提到，期待鄉議局喺三方面繼續同政府合作，其中... 詳情
【Emily】PP外九巴站簡約上蓋 網民話復古
【明報專訊】近日有網民發現金鐘太古廣場（PP）外有個舊式九巴車站，仲話太古廣場變咗「復古廣場」。九巴就同Emily講，2015年向運輸署申請... 詳情
【Emily】崇基貓貓Grisha病逝 神學院設紀念冊
【明報專訊】中大校園內有唔少貓咪寄居，中大崇基學院神學院噚日喺facebook透露，白德培教授（Tobias Brandner）養嘅家貓Gr... 詳情
【明報專訊】網傳考評局日後擬將中學文憑試（DSE）英文科口試轉為網上進行。考評局昨回覆稱未有實施時間表，但局方從2021年起邀請學校做可行研...
詳情
相關新聞
