【Emily】「光影城東」導賞團 重溫昔日北角璀璨

港燈董事總經理鄭祖瀛（淺色西裝者）化身嘉賓導賞員，與參加「光影城東」導賞團嘅同學重溫昔日港燈喺北角發電廠嘅趣事。（港燈提供）

【明報專訊】上世紀五六十年代嘅北角有「小上海」、「小福建」嘅稱號，昔日嗰一區亦係一個歌舞昇平、夜夜繽紛嘅蒲點，而繁華嘅景象，背後有賴來自港燈北角發電廠源源不絕嘅電力。

由港燈同長春社合辦嘅「綠遊香港」環保教育項目，以昔日北角發電廠嘅「光」，同區內娛樂及電「影」業為題，開發「光影城東」路線，畀市民重溫當年繁華璀璨嘅歷史同娛樂事業，並且認識區內嘅自然生態，例如北角碼頭嘅鷺鳥同家燕。

導賞團會喺呢個月至12月每月搞一次，介紹北角碼頭、皇都戲院同「油街實現」等共10個景點；港燈同長春社日前就邀請咗多名來自東區嘅「綠得開心大使」，率先參加一團，港燈董事總經理鄭祖瀛更化身嘉賓導賞員，佢話現時城市花園一帶正係昔日北角發電廠所在地，雖然電廠早已拆卸，但從附近街名如電廠街、電氣道等，都搵到昔日歷史痕迹。

有關「光影城東」公眾導賞團詳情，可瀏覽「綠遊香港」facebook專頁、港燈或長春社網頁，又或者打去2728 6781向長春社問下。

更多港聞

基層SEN家長壓力大 七成定期服精神藥物

【明報專訊】社協與中大社工系昨日發布有關特殊教育需要（SEN）學童的調查報告，統計幼稚園、小學283名基層SEN家長數據，在照顧者遇見困難一... 詳情

中大建研究中心 研內窺鏡新科技

【明報專訊】中大醫學院與醫療技術公司奧林巴斯（Olympus Corporation）前日（9日）簽署合作備忘錄，在香港共建一間「臨牀前與臨... 詳情

蔡若蓮訪西安 晤廳長推陝港教育交流

【明報專訊】教育局長蔡若蓮昨日完成訪問西安。行程中，她率領大學代表團在周日（8日）出席「2023絲綢之路大學聯盟論壇」，與來自21個國家或地... 詳情

中學辦草間彌生畢加索真迹展 邀區內學生共賞

【明報專訊】路德會協同中學本月6日在禮堂舉行「Dots and Cubes - The Picasso Kusama Fusion草間彌生... 詳情

食樂有味：夜市的滋味

【明報專訊】夜市，近來香港各界討論甚多。自從政府宣布推出「香港夜繽紛」，迴響不斷—— 議員話「懷舊覓知音」，市民話「花費上深圳」； ... 詳情