【Emily】中大醫學院院會舉辦 健康展免費體檢
[2023.10.04] 發表
【明報專訊】中大醫學院院會喺禮拜六(7日)起一連6日舉辦年度健康展覽，今年主題係「從腸計議」，希望促進市民對消化系統疾病嘅關注同認識，例如脂肪肝、胃食道逆流、腸易激綜合症等。
展覽喺將軍澳新都城中心三期、藍田麗港城同大埔超級城舉行，市民可即場免費做多項健康檢查，包括體重指標、血糖、血壓、血膽固醇、肝臟纖維化掃描同乙型肝炎表面抗體測試，每朝9點同下晝1點半會派即日籌。院會預計可接觸超過兩萬人，為其中約4000人檢查。
展覽有健康教育展板、解剖學模型，亦邀請腸胃科專家、教授同醫生主持健康講座。中大醫學院院長陳家亮話，醫科生要喺課業、考試同實習騰出時間籌備健康展覽，除咗考驗心志同時間管理，亦係學以致用、回饋社會嘅可貴機會，公眾參與係對醫科生嘅最大支持。
更多港聞
11大學推培訓防性騷擾 活動搞手參加 部分強制
【明報專訊】教育局及大學資助委員會昨向立法會提交文件，附上8間資助大學及3間自資大學就管理及監察迎新營等學生活動的現行政策及指引（見表）。所... 詳情
相關新聞
