【Emily】陳葒補天獲40萬遺產捐款 與善長「李女士」素未謀面 陳：對義師好大鼓勵
[2023.09.20] 發表
【明報專訊】「陳校長免費補習天地」近日收到一筆40萬元大額捐款，唔係來自達官貴人或者基金會，而係由「李女士」捐出嘅遺產。創辦人陳葒(圖)同Emily話，佢同李女士素未謀面，非常感謝佢嘅支持，認為呢筆捐款唔單止係金錢上嘅意義，亦係對佢同義師好大嘅鼓勵，同時係首次以遺產形式收到捐款。
陳校長同Emily講，前日收到一間律師樓電話，話按其客人遺願執行遺產分配，但就無講李女士從咩渠道認識「補天」。陳校長話，與李女士及其家人都係素未謀面，相信對方係從傳媒、網上或學生而認識補天。佢又話李女士為善不欲人知，佢問過律師有關鳴謝安排，律師話用「李女士」就可以，本名就不必了。
盼多啲義師加入
陳校長又話，好少收到40萬元咁大額捐款，以遺產形式更係第一次，之前嘅大額捐款都係來自基金會，今次呢筆捐款會用喺一對一補習嘅資源運用。陳校長話非常感激李女士同佢家人，認為呢筆捐款對佢同義師都係好大鼓勵，代表認同佢哋12年嚟做嘅工作同成果，「繼續努力，唔會辜負佢嘅期望，我哋會繼續幫助更多基層學生」。截至上月，補天已為超過2萬個學生義補，義師約有2.1萬個，但報名學生超過2.4萬人，陳校長希望可以再有多啲義師加入。
更多港聞
【明報專訊】區議會選舉12月10日舉行，政府至今仍未公布投票時間。民建聯提出將區選投票時間縮短至「朝八晚六」，認為𠵱家選舉投票時間超過10...
詳情
【Emily】迪士尼加價 門票3級變分4級 全年最繁忙特定日票價879元
【明報專訊】香港迪士尼樂園噚日宣布今日起上調門票票價，同時推出特別優惠，喺11月15號之前，一律可用原價買一日門票入場。 原本迪士尼門... 詳情
【Emily】客人可飲住奶茶睇show 和記餐廳灣仔店中秋結業 撐本土音樂文化 周國賢曾表演
【明報專訊】灣仔嘅和記餐廳，除咗係一間茶記，仲不時化身音樂表演場地，畀人飲住奶茶睇show，至今舉辦超過70場本地音樂會，但餐廳前日喺社交平... 詳情
【Emily】太古城700元燒肉放題 食油甘魚食到蟲 店稱「來貨控制唔到」
【明報專訊】有網民喺facebook發文及相，話前晚同老公喺太古城「炎舞家」花700元享用燒肉放題，點知食緊「西京燒油甘魚」時，發現條魚入面... 詳情
相關新聞
