【Emily】低音大提琴國際賽 港人奪亞 擊敗近百人 另獲觀眾獎
[2023.09.12] 發表
【明報專訊】音樂界盛事、第72屆ARD德國慕尼黑國際音樂大賽近日結束，喺低音大提琴賽事，來自香港嘅賴康堯喺近百人中脫穎而出，奪得第二名及觀眾獎，冠軍係來自美國嘅Gabriel Polinsky。
呢項大賽每屆設有唔同樂器項目，今屆就包括低音大提琴、中提琴、豎琴及鋼琴三重奏。據大賽官網，今屆有來自世界各地共395人報名，單計低音大提琴就有98人參加，經過預選後有55人入圍。
明起表演3日 設網上直播
賴康堯先後參與首輪、次輪、半決賽，去到上星期五(8日)躋身決賽，同其餘兩位分別來自美國及葡萄牙嘅琴手較量。當日參賽者要喺大會指定嘅3首曲中，各自同樂團合奏其中一首。賴康堯就演奏咗波特西尼(Giovanni Bottesini)嘅《B小調第二低音提琴協奏曲》，完成約18分鐘演奏後，台下掌聲雷動，佢亦不忘指向身後一眾樂團成員，好似想分享掌聲咁。所有得獎者聽日起一連3日會喺3場演奏會中演出，所有場次都有網上直播。
翻查資料，賴康堯2011年曾接受《明報》訪問，當年佢14歲，仲讀緊英華書院中二，習琴3年就喺美國國際低音大提琴比賽拎到14歲以下組別冠軍，係首個香港學生奪得呢個獎。當年報道提到，佢3歲已發現有「絕對音感」，聽到單音就可以辨別音調。佢由5歲起學鋼琴，9歲學埋小提琴，12歲轉玩低音大提琴。
更多港聞
【Emily】律政科罪科 立場案主控伍淑娟掌分隊
【明報專訊】專責反修例案件嘅律政司「特別職務組」因內部人事調整而解散，律政司新增「科技罪行」分科，負責網絡恐怖主義、起底等罪行。Emily近... 詳情
【Emily】陪街坊還「T」字街牌 楊雪盈促原址重置
【明報專訊】港島大坑道一塊原本裝喺石牆上嘅「T」字形街道名牌上周喺暴雨下脫落。灣仔區議會前主席楊雪盈、區議員顧國慧同暫時保管街牌嘅街坊，噚日... 詳情
【明報專訊】特首李家超噚日喺馬會嘅慈善論壇上，提到上周四（7日）暴雨後有唔少義工、公務員同埋非政府組織等幫手清理街道同埋幫助有需要嘅人，認為...
詳情
【Emily】回鄉傳亞運聖火 陳仲尼：無上光榮
【明報專訊】杭州亞運9月23日就揭幕，民建聯立法會議員陳仲尼（Rock）獲選為火炬手，噚日到家鄉浙江紹興參與火炬傳遞。Rock話對於有幸成為... 詳情
【Emily】軍事夏令營晚會 李家超劉光源出席
【明報專訊】特首李家超、中聯辦副主任劉光源、外交部駐港特派員公署副特派員方建明，噚日出席第16屆香港青少年軍事夏令營慶祝晚會，同時慶祝新中國... 詳情相關新聞
