【Emily】港燈「流動供電孖寶」 零排放冀代柴油機
[2023.09.07] 發表
【明報專訊】港燈為應對突發停電，現時會利用流動柴油發電機提供緊急臨時供電，以解市民之急，但柴油機缺點係會產生黑煙同製造噪音。港燈最近就引入咗一對「環保流動供電孖寶」，包括一個流動電池儲能櫃同一個流動電源切換裝置，分別搭載喺車上周圍去，為緊急事故同大型活動提供多一個零排放嘅後備電力供應方案。港燈計劃年尾喺中環海濱舉行嘅「FIA世界場地越野車錦標賽」上首次應用呢套系統。
電池車兩個鐘內可供電650戶
流動電池儲能櫃(電池車)容量有500千瓦時，最高輸出功率係250千瓦。以一個3人住戶、每月平均用電量275度計算，電池車可以喺兩個鐘頭內供電畀約650戶。港燈轄下超過25個地點都可以為電池車快速充電，每次叉滿電亦只要兩個鐘。當電池車電量即將耗盡，流動電源切換裝置可即時將供電源轉駁去另一台電池車。切換電源過程唔超過5毫秒，亦唔會出現供電間斷或電壓驟降情况，港燈預計第四季會添置第二台電池車。
呢部電池車長8米半，可駛入大部分街道。港燈輸配電科營運主管陳子峰(左)話，呢對孖寶會適合醫院同學校呢類唔能夠有黑煙同噪音出現嘅場地，仲話將來可逐漸替代流動柴油發電機。輸配電科總營運工程師(輪值營運)區偉年(右)就預計每台電池車可用到10年。
更多港聞
【Emily】長洲戲院文化區開幕 大笪地有戲睇
【明報專訊】擁有超過90年歷史、獲評為三級歷史建築嘅長洲戲院經過活化後，第一期修復嘅「多元文化園區」今日（7日）終於正式開放畀公眾；而塵封2... 詳情
【Emily】前副刑檢專員 林穎茜任高院暫委法官
【明報專訊】資深大律師、副刑事檢控專員林穎茜（圖）早前離開律政司，有指佢被睇好加入高等法院原訟庭做法官。Emily喺司法機構網頁見到，林穎茜... 詳情
【明報專訊】教師喺網絡搵教材、參考資料非常普遍，民建聯立法會選委界別議員郭玲麗同各區校長聯會早前訪問118名幼稚園、小學及中學校長，了解學界...
詳情
上學年20校開兩班中一 月中數人頭 定下年班數
【明報專訊】教育局在開學前一周更新中一開班上限機制，連續兩年開兩班中一的中學只准維持兩班，不再有望開3班。查《中學概覽》，全港20間中學上學... 詳情相關新聞
