【Emily】中學生創作廣告貼城巴 推廣健康生活
[2023.08.30] 發表
【明報專訊】都市人生活繁忙，容易忽略健康。浸會大學早前舉辦全港首個大型中學生跨學科比賽，邀請中學生創作巴士廣告，推廣健康生活，共有來自28間中學超過50隊參加，參賽學生約200人。自上周五(25日)開始，冠亞軍作品已貼喺3架城巴嘅車身同車背，喺港九新界行走一個月，呢段時間搭巴士嘅人可以留意下。
冠軍設計 「嘟」椅背玩Ig濾鏡
冠軍隊伍香港四邑商工總會陳南昌紀念中學嘅團隊以精神健康為主題，設計咗5種同精神健康有關嘅吉祥物，希望為市民減壓。同學仔仲喺椅背設計中貼上有Ig濾鏡同AR兩個科技元素嘅二維碼(QR code)，乘客用手機掃描後就可以玩吓Ig濾鏡，喺車程中「鬆一鬆」。評審團就讚佢哋車身廣告圖像親切吸引，又運用簡單嘅科技畀乘客互動，有效傳達健康生活嘅信息。
更多港聞
相關新聞
