【Emily】何永賢訪星洲歸來 難忘公屋女孩笑容
[2023.08.26] 發表
【明報專訊】房屋局長何永賢周二(22日)展開新加坡嘅訪問行程，同當地官員就房屋政策、創新建築科技、綠色建築等領域交流意見。交流行程噚日結束，何永賢喺社交平台總結話，除咗探討兩地政策及發展歷史嘅異同，亦喺當地了解咗建築技術MiC及綠色建築，並介紹香港聯通世界嘅獨特優勢。
早前何永賢拜會過中國駐新加坡使館代辦朱憬，佢噚日同新加坡中央公積金局政策統計研究部主管謝世澄會面，了解當地國民以中央公積金供款用喺置業、醫療及退休生活嘅情况。
何永賢感謝新加坡熱情接待，除咗對新加坡國家發展部長李智陞嘅會面印象深刻，亦難忘當地公屋嘅小女孩暖心笑容，種種都成為最難忘嘅新加坡印象，期望日後兩地繼續保持聯繫，喺房屋及建築領域上分享經驗。
更多港聞
【Emily】九龍逾30報檔今電子賣旗 送限量打氣袋
【明報專訊】推動本港傷健共融嘅社福機構「香港復康力量」今日發起九龍區賣旗日，喺香港報販協會協助下，推出全港首次「報紙檔電子賣旗站」活動，市民... 詳情相關新聞
