【Emily】李家超赴廚藝學院 學為餸菜點睛
[2023.08.18] 發表
【明報專訊】特首李家超近日為10月發表嘅《施政報告》蒐集意見，噚日佢同副政務司長卓永興、教育局長蔡若蓮、勞褔局長孫玉菡、立法會主席梁君彥等人去到國際廚藝學院，了解本地職專培訓課程最新發展外，亦聽吓學院同學員喺招生培訓、就業發展等方面嘅睇法同建議。李家超仲向香港國際美食大獎25歲以下「海鮮組」銀牌得獎學員黃湘學習擺盤，甚至落手做「終極點綴」。
李家超仲同一班學員傾偈，聽佢哋分享夢想同對未來嘅計劃，當中有同學計劃畢業後投身酒店餐飲業，亦有學員想成為點心師傅、朱古力師，甚至開舖發展葡萄酒事業。李家超亦即場試飲茶藝學員冲嘅港式奶茶，該學員今日會參加《國際及大灣區金茶至大賽》香港區決賽，李家超就為學員同其他參賽者打氣，期望大家「冲」出香港。
更多港聞
相關新聞
