【Emily】印尼議員團訪立會 事前入Q逾70條
[2023.08.04] 發表
【明報專訊】特首李家超早前率團出訪新加坡、印尼同馬來西亞，噚日就到一班印尼國會議員訪立法會交流，由立法會主席梁君彥同秘書長陳維安接待。梁君彥話，噚日來訪嘅大都係印尼眾議院嘅內務委員會(Household Committee)成員，職能同立法會嘅行管會相似，而佢哋此行準備十足，帶埋即時傳譯一齊交流，事前並向秘書處提出70多條書面問題。
梁君彥話，印尼國會議員對立法會議員所獲得嘅財政同行政支援、議員點樣吸納選民意見、點樣監察議員表現同運用公帑、行政立法關係、秘書處運作等都好大興趣。
梁君彥感謝印尼支持香港加入《區域全面經濟伙伴關係協定》(RCEP)，並向印尼議員介紹立法會大樓嘅擴建工程等。梁期望立法會同印尼國會可以持續增進交流，深化香港與印尼之間嘅友誼同合作。
更多港聞
【明報專訊】立法會公務員及資助機構員工事務委員會噚日開會，討論點樣鼓勵青年人才加入政府，公務員事務局長楊何蓓茵話，每年招聘約1萬名公務員，當...
詳情
【Emily】蕭澤頤：「內地官」電話101%係騙案
【明報專訊】近年騙案數字不斷上升，警務處長蕭澤頤噚日喺活動上話，內地官員係唔會直接致電市民，市民如收到自稱內地官員嘅電話可以直接收線，「10... 詳情相關新聞
