【Emily】科大試借餐盒機智能花灑 今秋擴至八大
[2023.07.28] 發表
【明報專訊】近年唔少地方都推行減碳措施，科大喺今年2月同6月分別喺學校試行智能「慳水」花灑頭同埋人工智能(AI)可重用餐盒借用系統，噚日宣布試行成功，嚟緊秋季會喺香港可持續校園聯盟旗下8間資助大學全面推行。其中AI餐盒借用系統係亞太區高等院校首推，每部機提供120個可重用餐盒，24小時運作，用家用八達通畀20蚊按金就可以借用餐盒，按金會喺還餐盒時全數退還，用過嘅餐盒會由專業洗碗公司清洗。
至於智能慳水花灑頭就內置水力驅動LED燈，按用水量變色，每分鐘出水量低至6.6公升，比「用水效益標籤計劃」最高評級嘅傳統花灑頭更勝一籌，用水慳咗26%。𠵱家科大喺兩座學生宿舍裝咗85個智能花灑頭，超過1000名宿生使用，計劃進一步喺8間成員院校共17座學生宿舍安裝895個，到時估計有近6000名宿生可以使用。
更多港聞
【明報專訊】一連7日嘅書展日前結束，會展管理公司喺今年書展首次推行「綠在會展」廚餘廢物回收行動，美食區同埋參展商用膳區都設置咗廚餘、廢物分類...
詳情
【明報專訊】立法會暑假休會，唔少議員乘機出來考察，其中身兼香港青年學生動力主席嘅議員吳傑莊就同一班青年企業家去咗內蒙古，仲出席香港青年學生動...
詳情
相關新聞
