【Emily】政總「政府禮品店」開張 可網購

[2023.07.08] 發表

【明報專訊】政府新聞處開設嘅「政府禮品店」噚日「開張」，實體店喺金鐘政府總部東翼一樓，畀政總職員同訪客選購，一般市民有興趣都可以去網上店訂購，而署理特首陳國基、署理財政司長黃偉綸、政務司副司長卓永興噚日率先去shopping。

實體店只招待職員訪客

陳國基卓永興黃偉綸率先幫襯

陳國基話買咗一組茶具套裝同兩組碗碟套裝。Emily上網睇過，1個茶壺連6個茶杯嘅茶具套裝印有特區區徽，賣1688蚊。至於卓永興除咗買咗碗碟四人套裝外，都買咗4隻香港景點嘅瓷杯送畀同事，又買咗本特區區徽筆記本同彩虹布袋自用。黃偉綸就「慳家」啲，暫時買住一套餐具同一隻熊仔先。

除咗一系列印有特區區旗、區徽嘅產品，禮品店亦有以香港風景、旅遊景點設計嘅產品等，仲有唔少紀律部隊紀念品，例如救護熊、警犬拉布拉多公仔。

更多港聞

【明報專訊】喇沙書院校長唐煥星將喺今個學年完結後退休。校方宣布，現任副校長梁浩然將接任校長一職，9月1日開學日履新。梁浩然喺1999年加入喇... 詳情

【明報專訊】喺上海訪問緊嘅財政司長陳茂波，噚日同中國外匯交易心中心總裁張漪會面，傾吓點樣持續提升內地同香港金融基建對接，仲同新開發銀行行長、... 詳情