【Emily】未有政治庇護 鄭家朗申BNO簽證遭拒
[2023.07.04] 發表
【明報專訊】前香港眾志副主席鄭家朗(圖)上年已經離港，𠵱家身處英國，噚日佢喺facebook話自己可能冇得留喺英國，事關佢嘅英國國民(海外)(BNO)簽證申請已被拒絕。佢並話自己去咗英國都一年半，申請咗政治庇護，但仲未有面試。
鄭家朗拍片解釋，話自己係1997年之後先出世，所以等到上年底，英國政府宣布可以畀1997年後出世嘅港人申請BNO簽證先去申請，但3個月內都未有回覆。點知有一日佢突然收到政府電郵，話BNO簽證不獲批。
鄭家朗嘅情况並非單一例子，之前英國都有過類似個案報道。根據鄭家朗喺影片展示嘅電郵節錄，提到佢上年2月入境英國時申請咗政治庇護，𠵱家係移民保釋(Immigration bail)期間，而移民保釋緊嘅人係唔可以申請BNO簽證。佢亦解釋，即使取消政治庇護申請，都唔可以申請BNO簽證，因為會變咗逾期居留，𠵱家要搵律師幫手處理，希望加快政治庇護申請，又話擔心唔知點算好。
更多港聞
83%中小學生續戴口罩上學 調查：因外貌戴罩者 社交焦慮較大
【明報專訊】「班上仍有很多同學戴口罩，出於羊群心理，不想太過突出。」中五女生姜同學在「口罩令」撤銷逾4個月後，仍然堅持每天戴口罩返學。一項佩... 詳情
【明報專訊】教育局昨日向幼稚園及中小學校長發通告，指第26屆德育及公民教育獎勵計劃已接受申請。各校可將下學年（2023/24）舉辦的品德教育...
詳情
相關新聞
