【Emily】事隔5年 常秘部門首長北上進修考察
[2023.06.26] 發表
【明報專訊】政府20幾名常任秘書長同部門首長噚日出發往北京參加「國情班」，部分人之後會轉往浙江省考察，係事隔5年再次有常秘同部門首長集體北上考察。研習團由公務員事務局長楊何蓓茵帶隊，參加嘅常秘包括特首辦鄭鍾偉、商經局利敏貞、文體旅局黃智祖、文青局林雪麗、保安局李百全、房屋局王天予等，環境及生態局兩個常秘謝小華同劉利群都去晒。部門首長包括食環署長楊碧筠、社署署長李佩詩、運輸署長羅淑佩、工貿署長黃少珠等。
楊何蓓茵話，訪京期間會喺國家行政學院(即中共中央黨校)研修，同港澳辦官員會有一場座談會；喺浙江考察期間，會睇吓農村治理同「共同富裕」，順便參觀杭州亞運會場館。佢又喺facebook話，雖然唔係第一次上「國情班」，但第一次帶團，心情「既興奮又緊張」。
被問到會唔會考慮輸入外勞解決公務員流失，楊何蓓茵就話絕對無呢個打算，因為《基本法》99條規定咗一定要香港永久居民先可以做公務員。
更多港聞
【明報專訊】前憲制事務司施祖祥去年離世，前財政司長曾俊華噚日話，上周五（23日）出席施祖祥嘅追思會，見到好多舊朋友，包括中英聯合聯絡小組英方...
詳情
VTC倡吸內地生補技術人才 建議准留港就業 兩地互認文憑資歷
【明報專訊】本港面對人力短缺，政府早前宣布擴大輸入外勞。職業訓練局（VTC）執行幹事唐智強接受本報訪問稱，認同輸入外勞是當前可行的解決方法，... 詳情
【明報專訊】職業訓練局在茶果嶺海旁4.2公頃新校舍將於2030年落成，VTC亦需協助興建海濱公共休憩用地、重置足球場等，VTC執行幹事唐智強...
詳情
相關新聞
