【Emily】人代考察湛江 梁美芬讚鋼鐵廠重環保
[2023.06.06] 發表
【明報專訊】港區人大代表近日北上考察，前日先去粵西，第一站去湛江市，就湛江灣「一灣兩岸」一帶去做專題調查研究。Emily睇咗幾名人大代表嘅facebook，得知佢哋前日喺湛江參觀咗海洋牧場建設同埋寶鋼湛江鋼鐵公司企業，了解其生產經營情况。
身兼人代嘅立法會議員梁美芬話自己熱愛環境保護，近年國家《民法典》亦將環保理念作為法治原則嘅重要組成部分，顯示重要治國理念。佢亦提到參觀水產基地時，企業老闆介紹水產事業同時，特別重視團隊精神及企業使命感，佢認為呢點喺當代成功企業係非常重要。
一眾人代仲去咗鋼鐵廠，梁美芬話廠家嘅環保理念令佢印象深刻，發展同時願意花幾億成本去控制二氧化碳產出，大讚為湛江環保做咗好大貢獻。身兼人代嘅元朗區議會主席沈豪傑就認為湛江潛力無限，相信未來會成為喺中國南部、粵港澳大灣區以外嘅另一個中心。
更多港聞
【明報專訊】警隊早前喺表揚全球傑出宣傳品嘅國際年度設計大獎「ASTRID Awards 2023」奪8個獎，主辦方美國公司MerComm網頁...
詳情
逾三成受訪殘疾者 感排擠老師不了解 精神病等隱性殘疾社交更難
【明報專訊】平機會早前委託城大研究年輕殘疾人士從求學過渡至就業的情况，其中人際交往困難是阻礙他們過渡的因素之一，研究發現逾三成受訪者曾因殘疾... 詳情
【明報專訊】考評局向學校發通告，公布2024年中學文憑試（DSE）時間表。明年筆試4月9日開始，首科是視覺藝術，比今年4月21日開考筆試早。...
詳情
文言遷移：閱微草屋中的異界吶喊——狐鬼的文本、故事與情節
【明報專訊】2023年文憑試中文科卷一課外文言考材，選自《閱微草堂筆記》。 清乾隆朝大學者紀昀（字曉嵐，古人名與字意義相關，昀是日光，... 詳情相關新聞
