難忘東京音樂節跟張國榮撞衫 譚詠麟「爆肚」化解危機
[2023.05.29] 發表
【明報專訊】譚詠麟(阿倫)接受馬時享主持的無綫節目《馬時亨 香港情》訪問，大談音樂情懷。阿倫勸勉後輩，「千祈唔好怕蝕底，能夠喺台度亮一亮相都係好」。客席主持區瑞強大爆當年紅透半邊天的阿倫連《香港早晨》錄影也不放過，「之前許冠傑係好難訪問到，直情不上電視。但阿倫啱啱調轉，咩節目都去，下午茶又去，最離譜係《香港早晨》」。阿倫笑言：「好記得要(凌晨)4點幾入去化妝準備。」他說只要亮相節目能幫到幕後人員，都樂意抽空配合。
阿倫憶述當年與好友張國榮(Leslie)出席東京音樂節時，因撞衫引發笑話，他情急智生「爆肚」化解危機，「我哋一到埗有個記者會，咁我同Leslie一出𨋢，件粉紅色外套一模一樣，衫褲又同一個顏色，我哋都喺度笑。但當時有記者，我即刻攬住Leslie話We are Hong Kong team」。
重提「大球場細細聲演唱會」
阿倫談到1994年的「大球場細細聲演唱會」風波，「之前有外國歌手演出已經引發好多投訴，所以我的演唱會備受矚目，臨演出前一個禮拜，不斷有消息話『唔畀唱、唔畀開』。那時我每日出街，都要面對超過300個中外記者(採訪)，是國際新聞」。他為解決噪音問題，當年添置價值近2000萬元器材，但仍為現場很多樂迷大部分時間聽不到任何音樂感歉意及感恩，「3晚觀眾坐滿，完全冇投訴，仲要自得其樂買嘢食、買嘢飲，我好感動」。
娛樂組
更多影視
鄭國江第3場騷「實力女將之夜」 陳美齡張德蘭獻聲勾起觀眾回憶
【明報專訊】鄭國江《50+2周年詞名一生演唱會2023》前晚在伊利沙伯體育館舉行第3場，表演嘉賓包括陳美齡、張德蘭、林志美、陳潔靈、譚嘉儀等... 詳情
史上第3名女導演茱斯汀楚特贏康城金棕櫚大獎 役所廣司演廁所清潔工稱帝
【明報專訊】第76屆康城影展昨日凌晨舉行頒獎及閉幕禮，今年21部參賽片共7部出自女導演之手，結果法國茱斯汀楚特（Justine Triet）... 詳情
相關新聞
