【Emily】房委50歲 何永賢率同事拍片派心心
[2023.05.27] 發表
【明報專訊】今年係香港公營房屋發展70周年，亦係房屋委員會成立50周年。房委會特別製作咗一輯長約一分多鐘嘅短片，多角度展示房委會工作及公屋家庭生活剪影，身兼房委會主席嘅房屋局長何永賢更喺片尾聯同一班同事齊齊「派心心」，向各界表示：「房委會50周年，我們繼續努力，建屋建家。」
何永賢噚日喺facebook發帖及上載短片，佢話有關影片前晚喺房委會周年晚宴首播，雖僅長分幾鐘，但唔少委員睇到最後都會心微笑。佢話未來陸續有大量公營房屋落成，大家將會見到提速、提量、提效、提質嘅各項措施更廣泛運用，包括組裝合成建築法、更多建築相關科技等，促進建築業發展，亦為更多市民提供安樂窩。
佢強調房委會嘅工作關係到廣大公營房屋住戶嘅福祉，佢同同事感謝房委會及轄下小組委員會一眾委員嘅付出同努力，希望各方面都能與時並進。
更多港聞
【明報專訊】政府近排積極「說好香港故事」，香港金融發展局最近就搵咗M+董事局主席陳智思，訪問喺香港住咗26年嘅渣打銀行香港董事總經理Pete...
詳情
相關新聞
