【Emily】為包山變掛畫「解畫」 值理會：承辦商加錢都唔做
[2023.05.23] 發表
【明報專訊】因新冠疫情停辦3年嘅長洲太平清醮飄色巡遊同搶包山比賽周五(26日)復辦，但長洲太平清醮值理會前日喺facebook話，負責製作3座高約45呎大包山嘅承辦商以人手同時間為由，未能承辦製作大包山，大會今年會以3幅印有包山圖案嘅大型掛畫取代。值理會主席翁志明噚日同Emily話覺得無奈同可惜，「佢(承辦商)唔做都冇計」，今年仍會擺放由值理會整嘅3座只得15呎高嘅細包山。
翁志明話，整大包山嘅承辦商今年3月底話唔夠人手，加上整包山嘅物料已停用3年，需要重新製作同加價。翁話曾經提出加多4萬元，令3座包山嘅造價加到13萬元，但承辦商都係唔肯做。佢又話曾經搵過第二間承辦商，但只能做到十幾呎嘅包山，所以最後決定以大型掛畫取代。冇咗3座大包山，翁話今年會擺放3座由值理會斥資十幾萬元整嘅15呎高細包山，放喺掛畫前，細包山上嘅平安包會喺周六(27日)派畀大家。
仲有小包山 搶包山賽唔受影響
Emily問翁，如果承辦商下年都唔做大包山咁點算，佢話會諗計，「睇吓搵咩替代」，而佢估計承辦商日後都未必想再做包山。至於搶包山比賽嗰座包山，翁話係用鐵架搭建，所以比賽唔會受影響。
更多港聞
【Emily】故宮館9月辦三星堆展 有120件文物睇
【明報專訊】香港故宮文化博物館同四川省有關方面簽合作協議，9月底合舉辦「凝視三星堆——四川考古新發現」特別展覽，展出120件距今2600至3... 詳情
【Emily】粉嶺狗場逼遷 45隻毛孩新居入伙
【明報專訊】專門收留流浪同受傷毛孩嘅粉嶺狗場「傻媽流浪貓狗之家」，上年業主因家族土地糾紛，場內近百隻狗要搬走，好彩得到有心人幫手搵到上水恐龍... 詳情
【Emily】廉署微信啟用 推地圖介紹港反貪史
【明報專訊】政府話要「說好香港故事」，廉署噚日就啟用微信嘅官方帳號，推出「尋廉．索驥」系列地圖，畀市民沿圖探索本港反貪歷史及與廉署相關散步路... 詳情
相關新聞
