【Emily】太空館新球幕電影 跟「航行者」探索星體
[2023.04.04] 發表
【明報專訊】香港太空館推出全新立體球幕電影《星際航行者3D》，觀眾可以跟隨美國太空總署喺1977年發射嘅航行者一號同二號太空探測器展開星際旅程，探索太陽系遙遠行星之謎，例如去木星睇一個持續咗幾百年嘅巨型風暴「大紅斑」；去睇太陽系中地質最活躍嘅天體「木衛一艾奧」。放映日期由即日起至9月30日。
航行者一號同二號係一對孿生太空探測器，𠵱家仲喺浩瀚嘅星際空間前進，而且不時向地球傳送喺旅途中取得嘅數據，加深地球人對宇宙嘅認識。每個探測器都攜帶一張鍍金唱片，入面載有代表地球生命同文化嘅圖像、聲音、問候語同音樂。呢兩張唱片猶如掟入宇宙汪洋中嘅「瓶中信」，希望日後外星文明有機會接收同解讀當中嘅信息。
節目放映時間為平日下晝2點同傍晚6點半；周末及公眾假期放映時間分別係下晝12點半同5點，前座票價24蚊，後座32蚊。
更多港聞
德信前校長涉瞞利益泄試題 串謀補習社董事 控公職失當今提堂
【明報專訊】油尖旺區傳統男校德信學校，前校長郭超群（圖）涉嫌於擔任校長期間隱瞞於一間自己曾借錢成立、在學校附近的補習社有財務利益，並與補習社... 詳情
【明報專訊】培正中小學今年7月將率團考察北極，一名家長及一名學生12天團費共收18萬元，早前掀討論。香港培正中學校監、香港極地研究中心創辦人...
詳情
【明報專訊】那些情節誇張的電影或小說，快意恩仇、一吐烏氣，當然大快人心，讓人看得過癮，但步出戲院或掩卷沉思之際，總有種「與我何干」的悵惘。我...
詳情
相關新聞
