【Emily】冰球領隊致歉 「與球員一向尊重國家」
[2023.03.16] 發表
【明報專訊】冰球港隊上月底喺波斯尼亞作賽擊敗伊朗後，主辦方喺播放國歌環節播錯反修例歌曲《願榮光歸香港》。領隊關婉儀(圖)噚日(15日)向市民同港協暨奧委會致歉，強調佢同球員一向尊重國家並維護國家尊嚴，就事件感到意外同遺憾；又解釋唔係唔想回應，但賽事一個接一個，𠵱家喺南非帶領球隊作賽，須專注準備賽事。
關婉儀噚日喺商台《在晴朗的一天出發》話，香港冰協職員喺球隊出發前，已將下載國歌連結電郵畀國際冰聯同波斯尼亞冰球協會，佢亦將國歌儲存喺電話，以便抵達當地時核實。佢話賽前曾聯繫主辦方想核實國歌，仲收到對方答覆「Okay」，但直到港隊獲勝，都唔見相關職員，「成個冰場行勻都見唔到其他人」。
稱太倉卒 報告或有不足
至於港協暨奧委會周二(14日)繼續質疑香港冰協提交嘅報告未交代細節，關婉儀話已就相關要求準時提交報告，但因為時間太倉卒，或有不足之處，仲話會汲取教訓，同港協合作避免再次發生播錯國歌事件。
副文體旅局長劉震噚日出席旅議會活動後被問到點睇冰協嘅最新說法，佢只回應話「等緊佢(冰協)報告」就轉身離去。
更多港聞
【Emily】立會用新咪首日「疊聲」 秘書處：電視機故障干擾
【明報專訊】立法會會議廳本月初更換防干擾功能嘅咪高峰系統，噚日（15日）首次使用新系統開會，會議廳音響出現發言者重複「疊聲」情况，最終要暫停... 詳情
【Emily】港大111周年 師生校友千人同慶
【明報專訊】香港大學111周年大日子，噚晚喺酒店舉行慶祝典禮，校長師生、舊生、嘉賓濟濟一堂，Emily自從新冠疫情以嚟已經好耐無見咁盛大嘅場... 詳情
【明報專訊】特首李家超喺舊年《施政報告》提出每年搞香港流行文化節，今年第一年由政府牽頭，頭炮活動包括4月一連兩日喺伊利沙伯體育館舉辦音樂會，...
詳情
【Emily】卸任中大校董 梁定邦：珍惜通識教育
【明報專訊】中大校董會前司庫梁定邦本月1日任期屆滿，佢長達29年嘅中大校董身分同樣畫上句號。梁接受《走進中大》刊物專訪提到，佢好珍惜中大多年... 詳情
高中核心科改革首屆學生 逾半選修3科 增近九成 教局：初步反映裨益師生
【明報專訊】高中4個核心科目改革，包括公民與社會發展科取代通識教育科，上學年（2021/22）中四起推展，以騰出課時、減考生考試壓力。有議員... 詳情相關新聞
