【Emily】八成紅的用緊 「大吉利」咪表年底結業
[2023.03.10] 發表
【明報專訊】有逾30年歷史嘅的士咪表供應商「大吉利」噚日向業界發信，話因為負責人年紀大又有病，加上得番兩三個同事，人手同晶片都短缺，無奈下決定今年12月31日結業，其間唔再提供新咪表，只提供維修。「大吉利」結業之後，全港暫時得番另一間供應商「八通實業」。有的士業界同Emily講，擔心少咗競爭之後，維修同換新咪表會加價。運輸署就話正了解事件，會同的士業界保持聯繫。
大吉利提到，因為唔夠晶片，已經有段時間停止供應新咪表。的士車行車主協會永遠會長吳坤成話，據佢了解大吉利嘅零件來自台灣，八通嘅就喺內地，估計八通未必受影響，不過𠵱家八成市區的士都用緊大吉利，大吉利結業後得番另一間公司「鴻圖」會維修大吉利咪表，佢擔心得一間公司未必夠零件維修全港萬幾部的士。
吳坤成話，𠵱家平均每個月有百幾部的士會換新車、裝新表。本身係的士司機嘅汽車交通運輸業總工會九龍分會副主任杜燊棠同Emily講，作為司機最擔心大吉利咪表遲早冇得維修，大家要焗住花3000幾蚊換另一牌子，維修費或者都會加價。不過佢又話，八通咪表出單快，而且會顯示車程時間同行車距離，相信大家或者都鍾意新咪表多啲。
更多港聞
【Emily】楊潤雄華服宣傳花展 網民叫著返工
【明報專訊】因為疫情停辦3年、由康文署主辦嘅香港花卉展覽（花展）今日起一連10日喺維園舉行，主題為「繡麗綻放、幸福滿載」。花展會展出大約40... 詳情
【明報專訊】政府率先喺荃灣及南區開展「地區服務及關愛隊伍」（關愛隊），有傳媒報道其餘16區關愛隊噚日開始申請。多名地區人士向Emily表示，...
詳情
【明報專訊】香港係亞洲開發銀行（亞開行）嘅其中一員，財庫局副局長陳浩濂（Joseph）去咗菲律賓，參加亞開行轄下嘅亞洲開發基金會議，乘機「說...
詳情
【Emily】南昌押招牌傳周日拆 市民聞訊留影
【明報專訊】近期唔少舊招牌因唔符合屋宇署標準要求而要拆除，繼深水埗梁添刀廠嘅大刀招牌拆下後，該區另一景點位南昌押霓虹招牌，噚日有工人搭棚架，... 詳情
【明報專訊】香港中華基督教青年會（YMCA）與澳門、廣州、台灣的團體合作一項調查，結果顯示，香港青年與家長的衝突程度是四地之中最高，高中生尤...
詳情
相關新聞
