【Emily】陳沛良盼除罩後 不再被錯認劉智鵬
[2023.03.01] 發表
【明報專訊】新一屆立法會有唔少新議員面孔，戴上口罩後，市民就更難認人，其中選委會界陳沛良同劉智鵬不時被「點錯相」，有網媒甚至試過喺有關劉智鵬嘅報道，用咗陳沛良張相，連立法會「咖啡角」嘅職員都試過認錯人。政府噚日公布取消「口罩令」，陳沛良當然歡迎，仲自我幽默一番，話大家除低口罩後，相信記者朋友應該唔會認錯佢係另一個議員喎！
有幾個議員都喺社交平台問大家，今日之後會唔會繼續戴口罩，唔少人都留言話會戴，或者去到人多嘅地方，例如坐交通工具時都會戴番口罩，而民建聯林琳亦都話會戴一排睇定啲先。會計界前議員梁繼昌亦話搭公共交通工具同搭𨋢時，都一定會繼續戴口罩。
可以唔使強制戴口罩後，唔少人關注女士係咪要勤力番啲護膚化妝，唔可以再懶，而工聯會陸頌雄就提醒各位男士都要記得剃鬚呀！
有議員就關注政府取消口罩令後嘅安排，九龍中議員楊永杰建議政府盡早將21個社區核酸檢測點，改到衛生署普通科門診或地區康健中心同康健站，釋放番啲康文設施畀市民用。
更多港聞
【Emily】美商貿署在港辦美容展 推銷美品牌
【明報專訊】美國駐港澳總領事梅儒瑞啱啱畀中國外交部駐港特派員公署「約見」，但事件無影響美領館喺香港做商貿推廣。美國商貿署日前喺香港同內地有駐... 詳情
【Emily】「油街實現」視藝展 舊倉庫內「翻浪」
【明報專訊】活化項目「油街實現」又有視覺藝術展覽睇，今次邀請咗3個藝術家用數碼科技同物料裝置做媒介，畀觀眾體驗遊走現實同虛擬世界。今日先推出... 詳情
AI專家沈向洋掌科大校董會 內地出生美港留學 曾任微軟高層
【明報專訊】著名計算機專家沈向洋獲特首李家超委任，接替廖長城出任科大校董會主席，本月6日起生效，為期3年。沈向洋內地出生、南京長大，曾在美國... 詳情
【明報專訊】衛生防護中心胸肺服務昨日公布2022年下半年香港學校結核病（俗稱肺癆）概况，稱有專上院校曾出現一宗涉及兩名學生的群組個案，該群組...
詳情
相關新聞
