【Emily】湖南考察組裝屋「活樓」 狄志遠：港未必完全啱用
[2023.02.27] 發表
【明報專訊】今屆政府推出以「組裝合成」建築法興建嘅「簡約公屋」，立法會議員何君堯日前聯同多名議員同各界人士到湖南長沙考察，了解遠大集團喺當地生產嘅組裝屋「活樓」技術。隨行嘅社福界議員狄志遠同Emily話，「活樓」嘅單位設計標準單一，加上內地與香港嘅防火物料未必一樣，認為未必可以完全於香港應用。
話設計標準單一 防火物料未必同
一行人上周六到湖南考察兩日，到遠大集團於長沙生產組裝屋配件嘅工廠以及示範單位參觀。何君堯早前於立法會會議上公開邀請房屋局長何永賢一齊去湖南考察，對方最終未有應邀，不過房屋局政治助理歐陽文倩有隨行。團員仲包括科技創新界議員邱達根、前特首梁振英太太唐青儀等。
狄志遠回港後同Emily講，當地工廠生產組合屋嘅速度好快，每日可生產約1000個單位，一個月就可以起好10至20層嘅大樓，效率非常高。佢認為遠大集團技術有其好處，不過兩地對於單位同防火要求等有所不同，未必能完全應用其技術，又話暫未聽聞房屋局曾經接洽遠大集團。
更多港聞
【Emily】林振昇問標準工時好處 ChatGPT提五大觀點
【明報專訊】人工智能（AI）聊天機器人ChatGPT自舊年11月推出以嚟風靡全球，勞聯主席兼立法會選委界別議員林振昇（圖）噚日都趕上熱潮，問... 詳情
【明報專訊】「青年新世界」聯同內地港生組織「星學匯」調查發現，有27.8%受訪中學文憑試（DSE）考生表示考慮內地升學，高於去年同期調查的2...
詳情
相關新聞
