【Emily】稱海外律師制係一國兩制獨特安排 Tim Owen：會接受港可能修例
[2023.02.23] 發表
【明報專訊】代表壹傳媒創辦人黎智英嘅英國御用大律師Tim Owen一直都無回應釋法同海外律師風波，Owen近日開腔話，基於歷史原因同普通法制度，海外律師制度係香港一國兩制嘅獨特安排之一，保留香港同英格蘭及威爾斯之間聯繫，但佢當然會接受香港可能會修改相關法例。佢形容，正如香港大律師都未必可於英國定期出庭，自己可以喺香港留幾耐，都視乎當局決定。
Tim Owen接受資深律師高恆訪問時，透露自己2007年第一次來港，當時第一單案係終審法院一宗刑事上訴，當時對家係時任副刑事檢控專員、後來做咗上訴庭法官嘅薛偉成。佢話，可以嚟香港一直感到開心，自己好愛香港、鍾意出庭打案。
指代表被告唔代表認同被告行為
Owen又提到，英國有事務律師因為代表受爭議嘅被告，而被英國傳媒鬧埋一份。Owen為英國同行抱不平，話呢種情况喺俄烏戰爭後嚴重咗，例如部分喺英國嘅俄羅斯富商被制裁，導致代表佢哋抗辯嘅律師都被人鬧。佢提醒，法治其中一環，就係不論案中被告身分，都喺公平同合適情况下有人代表出庭抗辯，而律師代表被告，唔代表佢認同被告涉案行為，例如佢曾經代表被控謀殺嘅人，「唔代表贊成殺人」。
更多港聞
幼師流失17%新高 中小學同升 教局稱運作正常 料未來教師需求減
【明報專訊】財政預算案昨公布，教育局提交的收入帳目資料顯示，2022/23修訂預算（本學年）的全港教師流失率全線上升，當中幼稚園教師達17.... 詳情
【明報專訊】財政預算案着墨在職專教育發展，包括推出「職業專才教育中學先導計劃」。自資和專上院校因學生人口下跌，面臨收生寒冬，被問多項職專教育...
詳情
相關新聞
