【Emily】田北辰去廣州南站 批出閘硬件跟唔上
[2023.02.22] 發表
【明報專訊】香港同內地通關後，唔少人搭高鐵北上，立法會議員田北辰噚日朝早搭高鐵去廣州南站，一去到就有好多乘客認得佢，搵佢投訴。𠵱家搭高鐵，車票植入回鄉卡，出入閘要拍卡，但田二少話乘客去到南站出閘時，硬件跟唔上，見到乘客拍卡，「10次有4次都係識別極都識別唔到」，大家要排隊等出閘，最後要靠車站職員操作人工通道畀佢哋過，大大減低咗通關效率，對乘客嚟講真係好唔方便，佢話咁搞法同「高速」兩隻字好似爭好遠。
田二少將即卸任全國人大代表職務，佢把握最後機會，即刻去信全國人大常委會辦公廳，希望佢哋可以督促國家鐵路局全面提升各個高鐵站嘅硬件配套。
另外，立法會「A4聯盟」議員張欣宇、林素蔚、梁文廣，噚日聯同議員洪雯，組織金融、創科、工商等專業人士去深圳龍崗考察交流，睇下智慧城市、智慧園區、物聯網技術同大數據產業嘅發展。
更多港聞
【明報專訊】政府推出「易通行」隧道不停車繳費服務，申請混亂，立法會議員江玉歡（Doreen）早前喺facebook分享，佢都係無法成功申請嘅...
詳情
【明報專訊】立法會審議精簡城規及發展程序嘅草案委員會今個星期六（25日）開會，立法會秘書處噚日話收到32份意見書，其中14份按提交者要求保密...
詳情
【明報專訊】高中公民與社會發展科規定學生須赴內地考察，廣東團最快4月出發。教育局昨表示，部分學校稱有學生未能及時預約換領或申請回鄉證，局方與...
詳情
【明報專訊】教育局本月初公布本學年公民與社會發展科（公民科）內地考察的最新安排，設22個廣東省內1至3天路線，4月起出發，中五生優先參與。教...
詳情
相關新聞
