【Emily】移英蒙兆達 擬今年出港勞工政策報告
[2023.01.28] 發表
【明報專訊】移居英國嘅前職工盟總幹事蒙兆達，舊年成立咗非政府組織「香港勞權監察」，繼續關注香港勞工權益。佢噚日喺facebook引述前捷克異見者哈維爾未做總統前，曾回應有關「對未來係咪有希望」嘅言論：「所謂希望，並非確信事情總會有好結果，而是不論結局如何，也肯定有其價值。」蒙兆達話無法預見2023年嘅香港會唔會好轉，但係咪堅守信念就完全係自己可以掌握。
蒙兆達又透露今年嘅工作安排，包括繼續連結世界各地工會，繼續爭取機會尋求國際工運支援香港被打壓工會以及在囚嘅工運人士，同埋會重視國際倡議，繼續監察同深入調查各個國際人權公約喺香港實施嘅情况，亦會分析香港勞工政策並發表報告，已擬訂發表嘅報告包括《零散工及平台經濟工人的就業保障》、《最低工資法例實施十二年檢討》等。
更多港聞
相關新聞
