【Emily】「改不具名」跟進 阿狄將用新會議紀要尋發言議員
[2023.01.26] 發表
【明報專訊】本報早前報道，立法會各委員會嘅會議紀要，唔再記名列出發言議員名字，改以「一名議員」取代，即唔可以即時睇到邊個議員講過乜嘢。新思維狄志遠去信立法會秘書長陳維安跟進事件，獲回覆秘書處會適時檢討同優化安排，並重申新安排下，會議紀要有以附錄列明發言議員名字、發言時間及主題等。
阿狄同Emily講，秘書處嘅解釋說服力弱，指出新一屆議會每個委員會嘅開會時數與上屆相若，質疑秘書處嘅工作量並無增加，又話回信未交代今次改變嘅決策過程。佢話稍後會叫助理嘗試以新會議紀要搵番發言議員名字，了解係咪真係好麻煩，並再向秘書處跟進。對於會唔會透過會議程序表態，例如喺委員會否決會議紀要，阿狄認為作用不大，傾向與秘書處直接溝通，爭取用番舊嘅記錄方式。
更多港聞
【Emily】經民聯新春花車 出動兩個「財神」
【明報專訊】噚日大年初四，經民聯搞新春花車巡遊，落區同市民拜年，黨主席、立法會議員盧偉國同青委會顧問趙式浩更以財神裝扮現身，向市民派發裝有朱... 詳情相關新聞
