【Emily】花墟附近封路人潮管制 違泊會拖車
[2023.01.18] 發表
【明報專訊】仲有幾日就到農曆新年，大家有冇打算行花市應節呢？Emily提提大家，由於預計過年前會有大批市民到旺角花墟買花，所以由即日起到大年初一，警方會因應人潮，喺花墟道、園藝街、園圃街同接鄰嘅太子道西支路、洗衣街、花園街及運動場道一帶實施人潮管制。
其中，花墟道、園藝街、園圃街同太子道西支路將會喺朝早8點起封閉，直至大年初一朝早8點。封路期間，沿太子道西西行嘅車唔准右轉入洗衣街北行。喺上述範圍內非法停泊嘅車，將會喺無事前警告下被拖走或多次票控。
梁熙逛年宵 盼下年可篤魚蛋
另外，民建聯立法會議員梁熙噚日去咗維園行年宵，擺檔嘅花農仲認得佢，大家寒暄咗一陣。花農話今年花市只賣濕貨，人流比往年少，但相比舊年取消年宵市場，今年算唔錯嘞！梁熙話好期待兔年大家唔使再戴口罩，可以見到大家嘅笑樣，佢仲希望出年年宵可以回復賣乾貨同有小食檔，重拾「篤魚蛋，買氣球」嘅兒時回憶咁話喎！
更多港聞
【Emily】《警聲》50周年 再訪創刊封面人物
【明報專訊】1973年創刊、出咗超過1200期嘅警隊官方刊物《警聲》今日出版50周年紀念特刊，刊出《警聲》歷史、發展與改革、趣聞、珍貴照片等... 詳情
【明報專訊】3名立法會議員去年提出議員法案，希望修改中大校董會組成方式。中大校董會去年12月成立的「檢討大學校董會規模及成員組織專責小組」，...
詳情
【明報專訊】教育局課程發展處製作幼稚園價值觀教育學與教資源，最新系列以「國民教育─公德心」為題，包括《博物館一天遊》故事簡報、一套3款的桌上...
詳情
【明報專訊】理大成立「中國歷史與文化研究中心」，並與清華大學簽署合作備忘錄，兩校將合作培訓教師、編寫教材等。理大校董會主席林大輝昨稱，成立該...
詳情
相關新聞
