【Emily】3鴿隔牆開新年檔 胡志偉同大家拜早年
[2023.01.14] 發表
【明報專訊】仲有大約一個星期就過年，民主黨前立法會議員胡志偉、林卓廷同尹兆堅因「35+初選案」還押緊，其中胡志偉團隊噚日探過佢，志偉仲託團隊同大家拜個早年，祝大家「兔」氣揚眉、生活快樂同身體健康，更講笑話「希望財爺再派錢畀大家」。團隊仲話最近兩次去探志偉，佢都話希望牆外嘅大家喺新一年要過得快樂，雖然仍係「逆風行」，但緊記要多飲水，保持身心健康快樂。
3個前議員喺旺角銀城廣場隱世市集嘅新年檔噚日開鑼，會開到年初一(22日)，其中志偉嘅希望印咗喺水樽同磁石貼上面，喺市集發售，團隊話仲有其他商品，包括以「人在家便在」為設計概念嘅香港人揮春，仲有「好好呼吸不可喪志襟章」同「福袋普洱茶餅」，全部出售商品嘅收益都會全數用嚟支持志偉。
更多港聞
【Emily】「Covid Virgin」葉劉赴星 3年首出國
【明報專訊】近月唔少議員出門外遊外訪，今次輪到行政會議召集人、新民黨主席葉劉淑儀，佢噚日出發去新加坡，以美國史丹福大學商學院校友會成員嘅身分... 詳情
【明報專訊】司法機構宣布下星期一（16日）會喺中環大會堂舉行法律年度開啟典禮。疫情之下，上兩年典禮都移師終審法院，2020年一屆就喺疫情爆發...
詳情
相關新聞
