【Emily】鄉委會村代表資助 劉業強促檢討機制
[2023.01.12] 發表
【明報專訊】政府積極推動北部都會區發展，鄉議局主席兼立法會議員劉業強話，有鄉委會同村代表向佢反映，佢哋嘅工作量及支出因此有增無減，但政府財政支援不足，劉業強以書面向民政及青年事務局查詢。根據民青局回覆，由2018/19年度起，鄉委會按年度獲得嘅資助金約有540萬元，之前係420多萬至450萬元；而政府自2010年起，每季向每名村代表發放2000元酬金。
鄉委會年度資助約540萬
至於鄉委會資助，政府話會參考綜合消費物價指數變動不時調整，上一次調整係2018年，上調咗24%，每月資助金由1.53萬至1.67萬元不等。劉業強對政府嘅回覆非常不滿，指鄉郊代表嘅選民人數、工作範圍同區議會唔完全一樣，但一樣要開辦事處、請職員、應付燈油火蠟等開支，佢話會繼續爭取當局重新檢討資助制度，制訂村務支出發還機制，同埋設立「鄉郊事務基金」等。
更多港聞
【Emily】街坊代表周日選 隔離者有特別票站
【明報專訊】2023年街坊代表選舉將於下周日（15日）舉行，選出長洲墟鎮嘅街坊代表。選舉管理委員會主席陸啟康（左二）、委員陸貽信（左一）同石... 詳情
【明報專訊】喺中共二十大結束後，無論係港府、民間都舉辦咗唔少「學習二十大精神」嘅座談會等，選委會界別立法會議員林順潮上年11月初，都喺立法會...
詳情
【明報專訊】港九學界足球第一組（D1）早前喺石硤尾公園足球場舉行比賽，其間球場突然開始自動灑水，令到一衆球員濕晒身。文化體育及旅遊局長楊潤雄...
詳情
【明報專訊】全港中小學下月起分階段恢復全日面授課。教育局近日向小學校長發信，稱小學可按校情和學生需要，循序漸進落實去年9月公布的《小學教育課...
詳情
相關新聞
