【Emily】印章串錯英文 教局信件遭疑假函
[2022.12.10] 發表
【明報專訊】噚日有網民喺facebook「筲箕灣西灣河關注組」貼出一封標題為「發還公積金利益」嘅信，封信話教育局已經收到公積金提款申請書，如果要更改申請書內嘅銀行帳戶，就要將親自簽署嘅帳戶存摺或月結單副本，傳真到局方公積金組。雖然封信有檔案編號，但嗰位網民質疑封信係假，形容「做得好真」，提大家「唔好中蕉(招)」，引來唔少討論。
另有細心嘅網民發現，信封封面「教育局財政分部 公積金組」印章，英文「Finance Division」串錯咗做「Finance Diviston」(圖)，質疑封信係假；亦有人話政府公函唔使貼郵票。Emily睇過信中嘅傳真號碼同有關部門嘅號碼一致，教育局亦確認係發出過呢個檔案編號嘅信，話印章誤植係手民之誤，已即時停用個印章。
更多港聞
【明報專訊】下星期三（14日）係2022年最後一次立法會會議，同日舉行新一輪前廳交流會，今次會轉換形式，大會舉行期間喺3點至4點半，副政務司...
詳情
【Emily】聽日「聖誕頌歌節」 疫下首度全面實地表演
【明報專訊】兒童發展配對基金一年一度嘅「聖誕頌歌節」將喺明日揭開序幕。今年係新冠疫情以來首次全面現場實地表演，共有近4000人參與，包括幼稚... 詳情相關新聞
