【Emily】唔承認BNO 鄧炳強：持有者海外出事要「搵自己國家」
[2022.12.07] 發表
【明報專訊】港府去年宣布唔再承認英國國民(海外)護照(BNO)，不過仲有唔少香港人只持有BNO。立法會保安事務委員會噚日開會，選委會界別議員吳傑莊關注，一旦發生事故，如果港人手持BNO、冇特區護照，政府會唔會提供協助？保安局長鄧炳強就表明，港府唔承認BNO係旅遊證件同埋身分證明文件，如牽涉領事館嘅事件，或者喺海外被捕，只有BNO嘅人就需要「搵番自己嘅國家喇」，唔係中國公民就提供唔到服務。
鄧炳強解釋，中國駐外國嘅領事館主要向香港嘅中國公民提供協助，但明白到香港居民有「永久」同「非永久」之分，例如外傭，所以會本住「幫得就幫」嘅原則，盡量協助香港居民。
領館「幫得就幫」助港居民
至於喺外地發生大型災難，政府又會唔會有包機安排港人回港呢？鄧炳強就話需要考慮一籃子因素，包括事情嘅背景、當地提供嘅服務同埋通訊程度、涉事嘅港人人數同傷勢、會唔會容易搵到交通回港等；至於金錢責任方面，佢就話應該由市民負責番，不過都會幫咗先，日後再處理費用問題。
更多港聞
【Emily】港青IG邊度最常tag？咩hashtag熱門？
【明報專訊】𠵱家人人都有智能手機，用社交媒體打卡亦成為咗新潮流。Instagram（IG）母公司Meta就香港18至25歲嘅Z世代使用IG... 詳情
【明報專訊】聖誕節將至，社區組織協會最近辦咗個籌款活動，畀捐款者做聖誕老人，向一班基層小朋友送禮物。社協上年舉辦同樣嘅籌款活動，幫助到400...
詳情
【明報專訊】學界正面對學生人數減少的挑戰。《中學概覽》昨出版，本報統計全港官津中學今學年（2022/23）中一開班數目，發現較上學年減少44...
詳情
【明報專訊】教育局昨推出《家長教育課程架構（小學）》，鼓勵全港小學在設計課程或活動時參考，讓家長學習培育子女所需的知識和技能。《架構》指出，...
詳情
相關新聞
