【Emily】網上見到好多移民唔適應外地 邵家輝獻計設回流辦吸港人
[2022.11.01] 發表
【明報專訊】早排特首《施政報告》提出唔少措施希望吸引外來人才，批發及零售界立法會議員邵家輝(圖)噚日喺立法會經濟發展事務委員會向政府提議，話不如整番個「回流辦公室」，畀啲移咗民嘅香港人「簡單啲返嚟香港」咁話。
特首李家超任內首份《施政報告》，提出成立「引進重點企業辦公室」、推出「高端人才通行證計劃」，話要搶企業、搶人才。
邵家輝噚日就話，香港本身都有好多人才，不過歸咎2019年反修例事件令人才流失，「因為可能喺『黑暴』時間有好多假新聞，或者(覺得)香港好似唔係好穩定，決定咗要移民」。
佢又話，「近排網上見到好多呢啲(移民)朋友開始明白，過往呢啲假新聞唔係事實，同埋喺外地唔係好適應」，所以佢建議政府整番個「回流辦公室」，吸納佢哋。
商務及經濟發展局長丘應樺回應話，關於香港人才回流「我諗大家都有好多經驗」，形容當有企業落戶香港，就會製造好多就業機會，包括畀機會喺本地嘅人，亦會吸引到喺外地嘅人返港落戶，會進一步睇吓有冇專才回流。
更多港聞
【Emily】恐龍主題郵票 介紹白堊紀侏羅紀7霸主
【明報專訊】香港郵政以「恐龍」為主題，發行一套6枚郵票、一張郵票小全張及相關郵品，11月15日起發售，而「恐龍」正式首日封則今日（11月1日... 詳情
【明報專訊】𠵱家口罩令仍然喺室內處所實施，實政圓桌立法會議員田北辰噚日批評措施「零邏輯、效果低、冇道理」。佢舉例話，如果市民預訂一間fun...
詳情
相關新聞
