【Emily】渡海泳水試 鄭泳舜、容海恩過關
[2022.10.03] 發表
【明報專訊】維港渡海泳10月23日舉行，民建聯議員鄭泳舜(Vincent)同新民黨議員容海恩(Eunice)都成功報名參加，噚日分別順利通過水試。Eunice喺facebook話，第一晚練水時游咗500米已經抽筋，到第二晚就超時，前後經過三晚鍛煉，噚日終於喺限時內完成水試。
根據渡海泳嘅水試規則，參加者要喺45分鐘內游完1500米。Eunice話經過老公袁彌昌指導改善泳姿，再喺屋企睇片學習轉身，噚日以戰兢嘅心情順利通過水試，但就無講到用咗幾耐完成。至於一向有參加三項鐵人嘅Vincent就以38分鐘通過水試，佢話比預期中快少少，但以前可以再游快啲，雖然有做開運動，但Vincent話要完成水試都真係要練習。
更多港聞
【Emily】國慶漢服秋遊 陳紹雄倡設「民族服裝日」
【明報專訊】有團體噚日舉辦「國慶秋遊」活動，參加者身穿漢服喺九龍寨城公園欣賞景色、影相留念，新聞稿借用唐代杜牧嘅詩句，形容佢哋可以欣賞「江涵... 詳情
【Emily】旺角行人通道美化 鋪12幅灣區壁畫
【明報專訊】旺角政府合署出面嘅行人通道喺旺角東站附近，用大灣區做主題嘅美化工程完成咗，𠵱家天橋牆上面有大灣區唔同地方景觀嘅壁畫。工程竣工儀... 詳情
【Emily】迪士尼重迎外國客 印度四口家遊園慶生
【明報專訊】新冠疫情爆發後香港少咗國際旅客，日前「0+3」實施，迪士尼樂園隔咗兩年，迎嚟第一批外國旅客。來自印度嘅Bhuta一家四口，喺香港... 詳情
公民科述改革開放 談成就不談政治 3教科書闡「城鄉差異」 指收入大增未來「共同富裕」
【明報專訊】取代通識教育的公民與社會發展科，本學年推展至中五級，教授主題2「改革開放以來的國家」探討「人民生活素質的轉變與提升」，教育局簡報... 詳情相關新聞
