【Emily】美領館：世界旅遊日對港人別具意義
[2022.09.28] 發表
【明報專訊】噚日係世界旅遊日，多個國家已陸續解除防疫限制，大大力吸遊客，香港亦放寬入境措施到「0+3」，好多香港人已急不及待買機票、續領特區護照，但旅遊業界話「0+3」好難吸引外地遊客。美國駐港澳總領事館都喺facebook出帖，話今年嘅世界旅遊日對香港人別具意義，提醒大家檢查吓個美國簽證到期未。愛爾蘭駐港總領事館、法國駐港領事館都喺facebook話歡迎大家去玩！
澳門上周公布最快11月再接待內地旅行團，但仲未對外國入境放寬檢疫限制，不過澳門旅遊局都好重視世界旅遊日，送咗紀念品同電子消費卡畀噚日嘅第一個入境客。旅遊局下晝仲復辦去年停辦嘅托盤比賽，代表24間澳門酒店同餐廳嘅131個參加者喺大三巴牌坊出發，送啤酒到議事亭前地，都係疫情下少見嘅熱鬧場面。
更多港聞
【Emily】病休後回法庭 蘇惠德半晝審逾40案
【明報專訊】《港區國安法》指定法官、總裁判官蘇惠德（圖）自舊年10月初起放病假，今年2月起復職，久未公開露面嘅佢噚日首次出庭，喺東區裁判法院... 詳情
相關新聞
