【Emily】新任美領梅儒瑞完成3+4 開心出行
[2022.09.24] 發表
【明報專訊】新任美國駐港澳總領事梅儒瑞(Gregory May)上星期履新，雖然截至噚日港府仲未正式刊憲公布佢獲得中方認可，不過梅儒瑞一改上任美國駐港澳總領事史墨客嘅低調作風，完成「3+4」入境檢疫後，噚日即刻喺facebook上載手持快速測試棒同安心出行App嘅相，同埋去跑馬地禮頓山社區會堂檢測中心「打卡」，佢仲話完成3日隔離同4日自我監測，加埋好多次新冠病毒檢測後，「好開心終於可以出街四周圍走走，好期待去探索下香港——我嘅新家！」
法領事推介故宮館 睇羅浮宮展品
同樣係新到港嘅法國駐港總領事杜麗緹(Christile Drulhe)都有唔少行程，包括參觀故宮文化博物館。巴黎羅浮宮博物館最近向香港故宮「馬文化藝術」展覽借出13件藏品，杜麗緹推介展覽，話可以睇到中西文化異同兼點樣交融，例如其中一個「太陽王」路易十四騎馬雕塑，同乾隆乘馬圖放埋一齊睇，特別有意思。
更多港聞
【Emily】參觀中大創業日 段崇智玩VR射擊
【明報專訊】中文大學創業日噚日起一連兩日舉行。校長段崇智噚日參觀創業項目互動展示區時，忍唔住戴上VR眼鏡玩一款「射擊電子競技」遊戲。佢喺開幕... 詳情相關新聞
