【Emily】陳茂波同小學欖球隊「切磋」 話力促七欖復辦

[2022.08.06] 發表

【明報專訊】停辦兩年嘅國際七人欖球賽將喺今年11月4至6日復辦，財政司長陳茂波噚日喺社交平台上載短片，片中嘅佢著住欖球球衣同波鞋，去到香港普通話研習社科技創意小學，同欖球校隊「切磋球技」，仲順勢宣傳埋聽日(7日)嘅全民運動日，呼籲大家做多啲運動。

七人欖球賽係香港每年嘅體育盛事，球場上嘅觀眾會奇裝異服、大飲啤酒，十足十嘉年華會咁，但球賽停辦兩年，好多觀眾十分期待，財爺話自己都去過現場睇波，氣氛好好，特區政府正努力促成呢件盛事再次喺香港順利舉辦。

代表工商界嘅民建聯立法會議員陳仲尼喺財爺嘅帖文留言，話好支持復辦欖球賽等國際賽事，而一直支持縮短抵港人士酒店檢疫期嘅佢亦重申，香港人才流失已經好嚴重，「請財爺幫幫手」，加把勁鞏固提升香港國際地位。

更多港聞

【明報專訊】今年係香港海員大罷工100周年，工聯會除上個月舉辦研討會外，理事長黃國亦去信發展局同民政及青年事務局，希望政府協助喺香港海員工會... 詳情