【Emily】管牧指《通靈之王》違指引 向商經局反映
[2022.08.04] 發表
【明報專訊】無綫電視最近播出通靈選秀節目《通靈之王》，Emily聽聞引起部分立法會議員關注，一度打算去信通訊事務管理局投訴。有份關注事件嘅選委會界別議員管浩鳴牧師同Emily講，最後無去信通訊局，但已經向商經局反映事件，局方回覆話會處理。
通訊局稱會跟進投訴
管牧同Emily話，佢其實無睇過呢個節目，但透過其宣傳了解節目內容，認為有違《電視節目守則》指引，即規定「不得鼓吹對觀眾有不良影響的迷信及超自然事物」。對於以往唔少節目都同風水、占卜等有關，管牧認為，今次節目較多內容主要涉及靈界同通靈，擔心對社會特別係年輕人有負面影響。佢引述商經局表示，通訊局亦收到該節目嘅投訴，會跟進。
《通靈之王》上月中啟播，引來批評，指節目導人迷信。通訊事務管理局曾表示，喺7月11日至13日期間，《通靈之王》共收到296宗投訴，投訴人主要認為節目意識不良，令人不安及鼓吹迷信，通訊局會按既定程序處理有關投訴。
更多港聞
【Emily】空姐牛肉飯老闆 現身粉碎結業傳聞
【明報專訊】喺反修例事件期間，食店「空姐牛肉飯」老闆郭德英多次發表撐警及反暴力言論，最近被人喺網上及facebook多個專頁傳佢間店結咗業，... 詳情相關新聞
