【Emily】康文署網上頻道設兒童專頁 睇片學參觀博物館禮儀
[2022.07.25] 發表
【明報專訊】夏日炎炎唔想出街嘅話，留喺屋企都可以有好多親子學習活動。康文署喺網上文康資訊學習平台「寓樂頻道」推出咗兒童專頁，整合咗適合細路仔收睇、富有趣味同教育意義嘅影片，例如介紹參觀博物館禮儀嘅「荒失失遊館指南」(圖)，仲有香港科學館即將舉辦嘅「跟化石走進恐龍世界」，由土生土長嘅研究員馬慧芯解答問題同分享古生物學家研究工作。
兒童頻道仲有各式各樣嘅影片，例如「國際綜藝合家歡」節目、香港馬戲團《聖誕星光馬戲班》等表演藝術節目，仲有介紹動物同埋示範親子運動嘅短片，任君選擇。有興趣嘅父母同小朋友可以瀏覽呢個網址(www.lcsd.gov.hk/edutainment/tc/for_kids/index.html)。
更多港聞
八大7校國安教育納課程 港大未覆 中大科大下學年推國安課 同列必修
【明報專訊】《港區國安法》實施逾兩年，全港學校陸續推展國安教育。本報向8間資助大學查詢今明兩學年國安教育安排，綜合回覆所得，中大及科大下學年... 詳情
相關新聞
