【Emily】迪士尼改善福利 育兒假5日變3周
[2022.07.21] 發表
【明報專訊】近年唔少企業提倡發展工作與生活平衡文化，香港迪士尼噚日發表網誌，話由本月開始改善侍產假、育兒假同親子假等安排，並將同居伴侶列入公司政策中「家庭成員」嘅定義，享有育兒假。另外，香港迪士尼今年下半年為所有合資格演藝人員提供最多兩天有薪假，名為「充電日」，讓演藝人員有更多時間休息，平衡工作同家庭生活。
香港迪士尼話，新政策下，侍產假福利將由育兒假所涵蓋，假期由5天大增至3星期，並擴展至領養小朋友及繼親等都可享用。另外，為讓同事有更多時間與子女共度天倫，香港迪士尼特別為新任父母設親子假，新加入演藝人員如有18歲以下子女，都可以喺原有產假或育兒假福利上，於首年額外獲得3個星期嘅親子假。
香港迪士尼樂園度假區人力資源副總裁陳慧娟表示，今次改善育兒假及親子假等安排，所有新增假期均為百分百全薪，並適用於前線及後勤全職同事，喺服務業界屬較罕見嘅福利政策。
更多港聞
【Emily】《回歸．情義25載》送千校圖書館
【明報專訊】團結香港基金轄下香港地方志中心出版《回歸．情義25載》一書，輯錄過去25年來超過100件香港及內地大事，仲有近200張歷史相片，... 詳情
【Emily】談男生留長髮 梁啟智：時代已改變
【明報專訊】東華三院黃笏南中學中五生林澤駿向平機會投訴，質疑學校禁男生留長髮涉違反《性別歧視條例》，引起社會熱烈討論。時事評論員梁啟智（下圖... 詳情
【明報專訊】立法會前議員邵家臻喺社交網站發帖，話噚日以個人身分去咗赤柱監獄探望佢口中嘅「赤柱雙廷」（戴耀廷和林卓廷），形容見識到咩叫「心流」...
詳情
相關新聞
