【Emily】JUMP教育招聘博覽周六舉行
[2022.07.15] 發表
【明報專訊】學年完結後，應屆DSE考生、大專畢業生都要為未來打算。「JUMP教育及招聘博覽2022」將喺今個星期六(16號)朝早11點至晏晝4點，喺美麗華酒店頂樓宴會廳舉行，有超過40個公私營機構參展，涵蓋醫護、社福、教育、航空服務、物流運輸等行業，提供最新就業同進修資訊；另設有9場專題講座，由紀律部隊、專上學院、銀行等機構代表分析就業、專業進修出路。現場亦提供超過200個職位空缺，部分月薪介乎15,000至65,000蚊，參加者可以帶埋CV同求職信即場見工，今年更邀請咗專家即場指導、批改CV。
博覽入場費全免，喺現場完成指定任務即可參加抽獎，獎品包括香港迪士尼門票、惠康超市現金券等。所有參加者要預先喺網上登記及憑確認信入場。入場前要使用安心出行及疫苗通行證，並要量體溫同用酒精搓手液消毒，體溫超過37.5℃就唔可以入場。
網址：https://event.mingpao.com/event/jobseminar2022
更多港聞
「紅磚社」凍結運作 盼同學為己發聲 遷出期滿校外租倉 前會長嘆「校方不承認」成生態
【明報專訊】易名為「紅磚社」的理工大學學生會，遷出會室期限今日屆滿。上任學生會長胡偉權接受本報訪問稱，學生會臨委會近日租用貨倉，供暫存學生會... 詳情
【明報專訊】團結香港基金成立的「香港地方志中心」（下稱中心）推出新書，書名為《回歸．情義25載》，輯錄1997至2022年間逾百件兩地大事、...
詳情
相關新聞
